कविता

शिर्षक: मनको पानामा
मनको पानामा
मनको पानामा तिम्रो चित्र कोर्दै छु,
मौनताभित्र प्रेमका अक्षर छर्दै छु।
ओठले नभनेका हजारौँ कथा बोकी,
तिम्रै सम्झनामा गीत एउटा भर्दै छु।
बिहानीको घामजस्तै तिमी मुस्कुराउँदा,
फूलहरू पनि लजाउँछन् बाटोभरि फुल्दा।
तिम्रो एउटा दृष्टिले मौसम फेरिन्छ,
पतझडका रूख पनि लाग्छन् फेरि झुल्दा।
चन्द्रमाको उज्यालो तिम्रो मुहारजस्तो,
शीतल हावाभित्र तिम्रो सुवासजस्तो।
आँखाभित्र राखूँ कि मुटुभित्र राखूँ,
तिमी नै तिमी छौ मेरो विश्वासजस्तो।
टाढा हुँदा पनि तिमी नजिकै लाग्छौ,
स्मृतिको आँगनमा आएर फेरि जाग्छौ।
समयले छुटाए पनि बाटोको दूरी,
धड्कनको तालभित्र सधैँसँगै भाग्छौ।
कागजमा लेख्दा शब्दहरू कम हुन्छन्,
मुटुका भावहरू झन् गहिरा जम्छन्।
कलम थाकेर रोकिएला कुनै दिन,
तर तिम्रा सम्झनाहरू कहाँ कहिल्यै थामिन्छन्?
तिमी छौ भने जीवन गीतजस्तै लाग्छ,
अँध्यारो रात पनि प्रीतजस्तै लाग्छ।
हारेर पनि जितेझैँ हुन्छ मन मेरो,
तिम्रो साथ पाए संसार जितेजस्तै लाग्छ।
प्रेम भनेको केवल फूल होइन रहेछ,
दुःखमा पनि साथ दिने मूल रहेछ।
हात छुटे पनि मन नछुट्ने सम्बन्ध,
साँचो माया जीवनकै अनमोल रहेछ।

लेखक: गोबिन्द राज ओझा (राजन)