आठ दिनपछि खुल्यो भीमदत्त–३ वडा कार्यालय, स्थानीयका माग सम्बोधनपछि सेवा सुचारु

दोधारा चाँदनी (कञ्चनपुर): कञ्चनपुरको भीमदत्त नगरपालिका–३ नम्बर वडा कार्यालय आठ दिनपछि फेरि खुलेको छ।

गत साता वडाका स्थानीयले सडक निर्माण, ढल निकास र खानेपानीलगायतका माग राख्दै कार्यालयमा तालाबन्दी गरेका थिए। बुधबार स्थानीय र वडा कार्यालयबीच सहमति भएपछि कार्यालयको ताला खुलेको वडा सदस्य मीना कुँवरले जानकारी दिनिन्। “एक हप्तादेखि कार्यालय बन्द हुँदा सेवाग्राहीले समस्या भोगिरहेका थिए,” उनीले भन्निन्, “स्थानीयका जायज माग सम्बोधन भएपछि वडाको सेवा सुचारु भएको हो।”

कार्यालय बन्द हुँदा दैनिक आवश्यक सिफारिस, प्रमाणपत्र र जन्मदर्ता जस्ता सेवा पूर्ण रूपमा ठप्प हुँदा सेवाग्राहीले कठिनाइ भोगेको स्थानीय डबलबहादुर सिंहले बताए।

भीमदत्त नगरपालिकाका प्रमुख प्रशासकीय अधिकृत महेशबहादुर बमले नागरिकका माग सम्बोधन भइसकेको जानकारी दिँदै भने, “सडक निर्माणसम्बन्धी माग पालिकाले सम्बोधन गरी प्रक्रिया अघि बढाइरहेको छ। जसमा सम्भव नभएका योजना प्रदेशको बजेटबाट पूरा गरिनेछ।”