बालेन शाह सुदूरपहाडमा, भोलि डडेल्धुरा, बैतडी र दार्चुलामा कार्यक्रम
धनगढी: राष्ट्रिय स्वतन्त्र पार्टीका वरिष्ठ नेता बालेन शाह कैलाली र कञ्चनपुरको भ्रमण सकेर डडेल्धुरा पुगेका छन्। डडेल्धुरा शाह पार्टीको कार्यक्रममा सरिक हुनेछन्। बुधबार ९:३० बजे शाह डडेल्धुराको तुफानडाँडामा रहेको राष्ट्रिय स्वतन्त्र पार्टीको कार्यालयमा हुने कार्यक्रममा सरिक हुनेछन्।
डडेल्धुरामा भेटघाट सकेर उनको टोली मध्याह्न १२ बजे राष्ट्रिय स्वतन्त्र पार्टी सम्पर्क कार्यालय, पाटन, बैतडी पुग्ने र अपराह्न ४ बजे दार्चुलाको गोकुलेश्वर पुग्ने राष्ट्रिय स्वतन्त्र पार्टीका प्रदेश सभापति प्रकाश बिष्टले बताएका छन्।
शाह दार्चुलाको कार्यक्रम सकेर साँझ ८ बजे बझाङको बुङ्गल पुग्नेछन्। बुङ्गलमा १५ गते बिहीबार बिहान ७ बजे पार्टीको कार्यक्रम हुने रास्वपा बझाङका उम्मेदवार शैलेशकुमार सिंहले बताएका छन्।
बालने शाह अहिले सुदूरपश्चिमको भ्रमण छन्। उनी सबै जिल्लामा रास्वपाको कार्यक्रममा पुग्ने बताइएको छ।
नारायण अवस्थी दिनेश खबरका सहायक सम्पादक हुन्। उनले शिक्षा, स्वास्थ्य र कृषि विषयमा कलम चलाउछन्।