कैलाली भन्सारले छोडेको मालवाहक ट्रक सशस्त्र प्रहरीको नियन्त्रणमा
धनगढीः कैलाली भन्सारले छोडेको ट्रक धनगढी चौराहबाट सशस्त्र प्रहरीले नियन्त्रणमा लिएको छ।
सशस्त्र प्रहरीले नियन्त्रणमा लिएको युपी २५ एफटी ०९३८ नम्बरको भारतीय नम्बर प्लेटको ट्रक कैलाली भन्सार कार्यालमा राखिएको छ। तर, भन्सार कार्यालयले ट्रकसहित बरामद गरिएको सामान बुझ्न मानिरहेको छैन। १५ लाख १९ हजार चार सय मुल्यको फलफूलसहितको ट्रक सशस्त्र प्रहरीले नियन्त्रणमा लिएको हो। तर, भन्सार कार्यालयले ट्रकसहित बरामद गरिएको सामान बुझ्न मानिरहेको छैन।
सशस्त्र प्रहरी, कैलालीका प्रमुख दलबहादुर पाण्डेले धनगढी चौराहबाट ट्रक नियन्त्रणमा लिएको बताए। तर, भन्सार कार्यालयले ट्रकसहितको सामान बुझ्न नमानेको उनले बताए। उनले भने, ‘भन्सार नतिरेकाले नियन्तणमा लिएका हौँ। भन्सार कार्यालयमा ट्रकसहितको सामान छ। तर, भन्सारले बुझ्न मानिरहनुभएको छैन।’ यता, कैलाली भन्सार कार्यालयका सूचना अधिकारी खिमप्रसाद अर्यालले सशस्त्र प्रहरीले नियन्त्रणमा लिएको ट्रक र सामान नबुझाएको दाबी गरेका छन्।
