नवजीवन सहकारीले खोल्यो गोदावरीमा राईस मिल

धनगढीः कैलालीको गोदावरीमा नवजीवन सहकारी संस्थाले राइस मिल सञ्चालनमा ल्याएको छ। गोदावरी नगरपालिका–८ मजगाउँमा नवजीवन सहकारी धनगढीले राइस मिल सञ्चालनमा ल्याएको हो।

मिलको आइतबार एक कार्यक्रमकाबिच भूमि व्यवस्था सहकारी तथा गरिबी निवारण मन्त्री बलराम अधिकारीले उद्घाटन गरेका छन्। सहकारीले कृषि उपआयोजना अन्तरगत डेढ करोड लगानी गरेर मिल सञ्चालनमा ल्याएको जनाएको छ।

यसअघि धान खरिद केन्द्रका रूपमा रहेको स्थानमा नवजीवन ब्राण्डका रूपमा चामल उत्पादन गर्ने उद्देश्यले मिल सञ्चालनमा ल्याइएको सहकारीका सदस्य गोपाल पाठकले बताए। उनले राइस मिल सञ्चालनका लागि सहकारीले यसवर्ष धान खरिद गरेको बताए।