माओवादी केन्द्रको स्थायी समिति बैठक आज बस्दै

काठमाडौंः प्रमुख प्रतिपक्षी दल नेकपा (माओवादी केन्द्र)को स्थायी समिति बैठक आज (शुक्रबार) बस्दैछ।

बिहीवार स्थगित भएको बैठक आज बस्न लागेको माओवादी केन्द्रले जनाएको छ। अध्यक्ष पुष्पकमल दाहाल प्रचण्डको कार्यव्यस्तताका कारण यसअघि बोलाइएको बैठक स्थगित गरिएको थियो। बैठक आज बिहान ११ बजे पार्टी कार्यालय पेरिसडाँडामा बस्ने छ।

बैठकमा माओवादी घटकसँगको एकता प्रक्रियालगायत विषयमा छलफल हुने बताइएको छ। साथै आजको स्थायी समिति बैठकमा केन्द्रीय समिति बैठकका एजेन्डा पनि तय गर्ने सम्भावना रहेको छ। माओवादी केन्द्रले केन्द्रीय समिति बैठक आगामी पुस २ गतेदेखि सुरु गर्ने तयारी गरेको छ।