नेपाल पत्रकार महासंघ कैलाली अध्यक्षमा देउवा निर्विरोध

धनगढीः नेपाल पत्रकार महासंघ कैलाली शाखाको अध्यक्षमा श्रबण देउवा निर्विरोध निर्वाचित भएका छन्। उनी नेपाल प्रेस युनियन र प्रेस चौतारी नेपालका साझा उम्मेदवार हुन्।

अध्यक्षका अर्का उम्मेदवार प्रेस सेन्टरका टंक कुँवरले उम्मेदवारी फिर्ता लिएपछि देउवा निर्विरोध निर्वाचित भएका हुन्। निर्वाचन समितिले देउवा निर्वाचित भएको आधिकारीक घोषणा गर्न भने बाँकी नै छ। यस्तै महिला उपाध्यक्षमा भावना जोशी र सह–सचिवमा शंकर बोहरा पनि निर्विरोध निर्वाचित भएका छन्। यस्तै सदस्यमा जनजातितर्फ सुधराम दहित र सदस्य समावेशीमा टेकसिंह धामी निर्विरोध निर्वाचित भएका छन्।