अछाममा भरुवा बन्दुकसहित एक जना पक्राउ

धनगढी: अछाममा भरुवा बन्दुकसहित एक जना पक्राउ परेका छन। जिल्लाको साँफेबगर नगरपालिका– ७ रिडिकोटका ३३ वर्षीय कुँवेर केसी एक थान भरुवा बन्दुकसहित पक्राउ परेका हुन।

इलाका प्रहरी कार्यालय, बयलपाटाको टोलीले उनलाई मङ्गलवार घरबाटै पक्राउ गरेको हो। उनको घरमा भरुवा बन्दुक लुकाएको अवस्थामा फेला पारेको प्रहरीले बताएको छ। उक्त विषयमा थप अनुसन्धान जारी रहेको सुदूरपश्चिम प्रदेश प्रहरीले बताएको छ।