धनगढीका महिला समूहलाई च्याउको बिउ र कृषि सामाग्री निःशुल्क वितरण

धनगढीः कैलालीको धनगढीका महिला समूहलाई च्याउको बिउ र च्याउ खेतीका लागि आवश्यक पर्ने कृषि सामाग्री निशुल्क वितरण गरिएको छ। धनगढी उपमहानगरपालिका–१२ वडाका १२ महिला समूहलाई उपमहानगरपालिकाले निःशुल्क  वितरण गरेको जनाएको छ।

उपमहानगर भित्रका वडा नम्बर ६, ७, ८, ९, १०, १२ का महिला समूहलाई वितरण गरिएको हो। यस्तै वडा नम्बर १४, १५, १६, १७, १८ र १९ वडाका महिला समूहलाई पनि च्याउको बिउ, च्याउ खेतीका  लागि चाहिने कृषि सामाग्री वितरण गरिएको हो। 

१२ वटै वडाका हरेक समूहलाई प्रती समूह च्याउको बिउ ३८५ पोका, च्याउको घर छाउने प्लास्टिक १६ किलो, च्याउ हाल्ने थैला १५ किलो, चुन ५ किलो, प्लास्टिक डोरी ३.५ किलो र स्प्रेयर १ उपमहानगरपालिकाको कृषि शाखाद्वारा वितरण गरिएको हो।