इङ्ग्ल्याण्डका अलराउन्डर म्याट क्रिचली पोखरा एभेन्जर्समा आवद्ध
२०८१ कार्तिक १९, ०८:३६
काठमाडौँः नेपाल प्रिमियर लिग (एनपिएल) को पहिलो संस्करणमा इङ्ग्ल्याण्डका अलराउन्डर म्याट क्रिचली पोखरा एभेन्जर्समा आवद्ध भएका छन्। पोखराले चौथो विदेशी खेलाडीको रुपमा म्याटलाई टोलीमा अनुबन्ध गरेको हो।
चार विदेशी खेलाडीको न्युनतम कोटा पूरा गर्ने पोखरा पहिलो टोली हो। पोखराले पहिलो विदेशी खेलाडीमा अमेरिकाका क्रिकेट आन्द्रेस गौस, दोस्रो खेलाडीमा नेदरल्याण्ड्सका अलराउण्डर बास डि लिडे तथा तेस्रो खेलाडीका रुपमा वेस्ट इन्डिजका एन्डरसन फिलिपलाई अनुबन्ध गरेको थियो।
२८ वर्षिय म्याटले १ सय ४१ टि ट्वान्टी खेलमा १ हजार ९ सय ७३ रन तथा १ सय २० विकेट लिएका छन्। असोज २० गते नेपाली खेलाडी छनोटका लागि भएको अक्सनमा पोखरा लगायत टोलीले समान १० खेलाडी अनुबन्ध गरेका थिए।
कमेन्ट लोड गर्नुस