चलचित्र ‘गाउँ आएको बाटो’को ट्रेलर सार्वजनिक

काठमाडौँः यही जेठ २५ गतेबाट प्रदर्शनमा आउने फिल्म ‘गाउँ आएको बाटो’को ट्रेलर सार्वजनिक गरिएको छ।

नवीन सुब्बाको निर्देशनमा तयार भएको यो फिल्मको ट्रेलर बिहीवार सार्वजनिक गरिएको हो। ट्रेलरमा पूर्वी पहाडी क्षेत्रको एउटा दुर्गम गाउँमा सामान्य जीवनयापन गर्ने परिवारमा नव–निर्मित बाटोले ल्याएको उतार–चढावलाई देखाइएको छ।

फिल्ममा अभिनेता दयाहाङ राई, अभिनेत्री पशुपति राईका अलावा प्रेम सुब्बा, केशव राई, राज थापा, सुमित्रा राईको समेत अभिनय रहेको छ। मेन्छ्यायेम पिक्चर्स र बाँसुरी फिल्म्सको प्रस्तुति रहेको यस फिल्मले अन्तर्राष्ट्रिय फेस्टिभलहरूमा सहभागिता जनाएर अवार्ड जितिसकेको छ।