फिल्म ‘लण्डन टु पेरिस’को दोस्रो गीत सार्वजनिक

काठमाडौंः घनश्याम लामिछानेको निर्देशनमा रहेको फिल्म ‘लण्डन टु पेरिस’को दोस्रो गीत ‘चाहान्छु यो माया’सार्वजनिक भएको छ।

निर्माण पक्षले शुक्रवार युट्युबमार्फत गीत सार्वजनिक गरेको हो। राम अविरलले यो रोमान्टिक गीतको शब्द कोरेका हुन्। यसमा एसडी योगी र नभिता पौडेलको स्वर रहेको छ। गीतमा साम्राज्ञी राज्यलक्ष्मी शाह, निश्चल खड्का र गरिमा शर्माबीचको त्रिकोणात्मक प्रेमलाई देखाइएको छ।

जेठ २५ बाट यो फिल्म प्रदर्शनमा आउँदै छ। फिल्ममा साम्राज्ञी, निश्चल खड्का सहित गरिमा शर्माका अलवा कविर खड्का, रुष्मा थापा, मनिश श्रेष्ठ र मनिष गान्धीको प्रमुख अभिनय रहेको छ।