पारस क्यानको सचिवमा निर्वाचित

काठमाडौँः  नेपाल क्रिकेट संघ (क्यान) को सचिवमा राष्ट्रिय क्रिकेट टोलीका पूर्व कप्तान पारस खड्का निर्वाचित भएका छन्।

आज काठमाण्डौमा भएको चुनावमा प्रशान्तविक्रम मल्ललाई हराउँदै पारस विजयी भएका हुन्। आज भएको चुनावमा कुल ८४ मतदातामध्ये ८४ मत नै खसेको थियो। विजयी हुन  ४३ मत आवश्यक थियो। मत गणना नसकिँदै खड्काले  ४३ मत ल्याएका हुन्।

क्यानको अध्यक्षमा चतुरबहादुर चन्द निर्विरोध निर्वाचित भएका छन्। यस्तै उपाध्यक्षमा रोशन सिंह, कोषाध्यक्ष पदम खड्का र महिला सदस्य जयन्ती भट्ट पनि निर्विरोध निर्वाचित भएका छन्। क्यान नयाँ कार्यसमिति १७ सदस्यीय हुनेछ।