बैतडीको पाटन पूर्ण खोपयुक्त पालिका घोषणा

बैतडी: बैतडीको पाटन नगरपालिका पूर्ण खोपयुक्त पालिका घोषणा भएको छ। आज (मंगलवार) एक कार्यक्रमका बिच नगरपालिकालाई पूर्ण खोपयुक्त  पालिका घोषणा गरिएको हो।

राष्ट्रिय खोप तालिका अनुसार नगरपालिकाका १० वटै वडामा खोप लगाउने उमेर समूहका बालबालिकाहरुले खोप लगाएको सुनिश्चित गरिएपछि पूर्ण खोपयुक्त पालिका घोषणा गरिएको पाटन नगरपालिकाका स्वास्थ्य संयोजक मदनसिंह महराले जानकारी दिए। १० वटै वडाका १६ देखि २३ महिनाका सबै बालबालिकाहरुले खोप पाएको उनले बताए।