भारतीय प्रधानमन्त्री मोदीद्धरा नयाँ संसद भवनको उद्घाटन
धनगढीः भारतका प्रधानमन्त्री नरेन्द्र मोदीले नयाँ संसद भवनको उद्घाटन गरेका छन्। नयाँ संसद भवनको उद्घाटन राष्ट्रपतिले गर्नुपर्ने बिपक्षीको आग्रहलाई अस्विकार गर्दै प्रधानमन्त्री मोदीले आइतवार बिहान उद्घाटन गरेका हुन्।
तर, मोदीको बिपक्षीको आग्रह अस्विकार गरेकोमा प्रतिपक्ष दलले सरकारको आलोचना गरिरहेका छन्।
प्रतिपक्ष दलहरुले हिन्दुत्व विचारधारा वीडी सावरकरको जन्मजयन्तीको अवसरमा संसद भवन उदघाटन गर्ने निर्णयको पनि निन्दा गर्दै आएका छन्। तर,सत्तारुढ भारतीय जनता पार्टी (भाजपा)ले बिपक्षीको बहिष्कारलाई भने ‘लोकतन्त्रको अनादर’ भनेको छ।
नयाँ संसद भवन राजधानी दिल्लीमा सेन्ट्रल भिस्टा पावर करिडोरको विकास गर्ने सरकारको महत्वाकांक्षी परियोजनाको एक हिस्सा हो। नयाँ भवनको उद्घाटन गर्दै मोदीले भारतको स्वतन्त्रताको ७५ वर्षपछि सो संघर्षमा ज्यान गुमाएका प्रति श्रद्धाञ्जलि ब्यक्त गरेका छा भने ७५ रुपैयाँको नयाँ सिक्का पनि अनावरण गरेका छन्। नयाँ चार तले भवन अनुमानित ९ दशमलब ७ बिलियन रुपैयाँमा निमार्ण भएको हो।
लोक सभा कक्षलाई भारतको राष्ट्रिय चरा मयूरको जस्तै डिजाइन गरिएको छ भने तल्लो सदन अर्थात राज्यसभा कक्षलाई भारतको राष्ट्रिय फूल कमलसँग मिल्दोजुल्दो बनाउन डिजाइन गरिएको छ।
गत बुधवार प्रमुख प्रतिपक्षी कांग्रेस सहित १९ दलले उद्घाटन समारोह बहिष्कार गर्ने सामुहिक निर्णयको घोषणा गरेका थिए। उनीहरुले नयाँ संसद भवन राष्ट्रपतिवाट उद्घाटन गराउनु पर्ने माग राखेका थिए। तर,बिपक्षीको माग सम्बोधन नगरी प्रधानमन्त्री नरेन्द्र मोदीले आज नयाँ संसद भवनको उदघाटन गरेका हुन्।
