दार्चुलामा ग्याँस लिक भएर आगलागी, एक जना जलेर गम्भीर घाइते

दार्चुलाः दार्चुलामा ग्याँस लिक भएर आगलागी भएको छ। आगलागीबाट एक जना जलेर गम्भीर घाइते भएका छन्।

जिल्लाको नौगाड गाउँपालिका–३ जामिरका ८० वर्षीय अमरसिंह ठगुन्ना जलेर गम्भीर घाइते भएको प्रहरीले जनाएको छ। बुधवार बिहान चिया पकाउने क्रममा सिलिन्डरबाट ग्यास लिक भएर आगलागी भएको हो।

घाइते ठगुन्नालाई उपचारका लागि गोकुलेश्वर अस्पताल लगिएको थियो। तर त्यहाँ उपचार संभव नभएपछि अन्तै रिफर गरिएको प्रहरीले बताएको छ।