आइपीएलमा सट्टेबाजी, दार्चुलाका ४ जना पक्राउ

धनगढीः दार्चुलाका चार जनालाई भारतमा सञ्चालन भइरहेको इन्डियन प्रिमियर लिग आइपीएलमा सट्टेबाजी गरेको आरोपमा प्रहरीले पक्राउ गरेको छ।

जिल्लाको महाकाली नगरपालिका वडा नम्बर ४ तिंकर खेडाबाट उनीहरु पक्राउ परेका हुन्। जिल्ला प्रहरी कार्यालय दार्चुलाका अनुसार पक्राउ पर्नेमा जनक बडाल, नवीन अवस्थी, बिरू बुढाथोकी र ईन्द्र सिंह ऐरी रहेका छन्। उनीहरूलाई तीन लाख ५६ हजार ४ सय २० रुपैयाँसहित पक्राउ परेका हुन्। 

उनीहरूमाथि अदालतबाट म्याद थप गरी अनुसन्धान थालिएको छ। उनीहरु मंगलवार राति पक्राउ परेका हुन्।