कञ्चनपुरमा गाईसँग मोटरसाइकल ठोक्कियो

धनगढी: कञ्चनपुरमा गाईसँग मोटरसाइकल ठोक्किएको छ। सोमबार राति ८ बजे जिल्लाको शुक्लाफाँटा नगरपालिका-११ स्थित वनहरा पुलमा गाईसँग से ५ प ५१९० नम्बरको मोटरसाइकल ठोक्किएको प्रहरीले बताएको छ।

दुर्घटनामा चालक कृष्णपुर नगरपालिका-६ का ४८ वर्षीय टेकराम चौधरी र पछाडि सवार ५० वर्षीय बाधुराम चौधरी घाइते भएका प्रदेश ट्राफिक प्रहरी कार्यालय अत्तरियाले जनाएको छ। उनीहरुको गुलरियास्थित एक मेडिकलमा उपचार भइरहेको प्रहरीले बताएको छ। मोटरसाइकल प्रहरीको नियन्त्रणमा रहेको बताइएको छ।