आबेको निधनमा भारतमा राष्ट्रिय शोकको घोषणा
एजेन्सी: जापानका पूर्वप्रधानमन्त्री सिन्जो आबेको निधनमा भारतीय प्रधानमन्त्री नरेन्द्र मोदीले शनिबार एक दिन राष्ट्रिय शोकको घोषणा गरेका छन्।
सिन्जो आबेको सम्झनामा प्रधानमन्त्री मोदीले आफ्नो ट्वीटमा पीएम मोदीले लेखेका छन्, 'मेरो एक प्रिय मित्र शिन्जो आबेको दुखद निधनले म स्तब्ध र दुःखी छु। उहाँ एक महान वैश्विक राजनीतिज्ञ, एक प्रतिभाशाली नेता र एक उल्लेखनीय प्रशासक हुनुहुन्थ्यो। उहाँले जापान र विश्वलाई एक राम्रो ठाउँ बनाउन आफ्नो जीवन समर्पित गर्नुभयो।' प्रधानमन्त्री नरेन्द्र मोदीले सिन्जो आबेलाई लामो समयदेखि चिनेको बताएका छन्।
उनले ट्वीट गर्दै भनेका छन्, 'सिन्जो आबेसँगको मेरो सम्बन्ध धेरै वर्ष पुरानो हो। मैले उहाँलाई गुजरातको मुख्यमन्त्रीको रूपमा मेरो कार्यकालमा चिनेको थिएँ र म प्रधानमन्त्री भएपछि पनि हाम्रो मित्रता जारी रह्यो। अर्थतन्त्र र विश्वव्यापी मामिलामा उहाँको बुझाइले मलाई गहिरो छाप छोड्यो।' जापानका पूर्वप्रधानमन्त्री सिन्जो आबेमाथि शुक्रबार देशको पश्चिमी भाग नारामा सडक भाषण दिइरहेका बेला आक्रमण भएको थियो।