ट्याक्टर दुर्घटना हुँदा एक जनाको मृत्यु

गोरखा – ट्याक्टर दुर्घटना हुँदा एक जनाको मृत्यु भएको छ। 

गोरखाको पालुङटार नगरपालिका–९ बिर्दीबजार नजिकै भएको ट्र्याक्टर दुर्घटना हुँदा धादिङको दार्खा घर भएका २० वर्षका याकुब तामाङको मृत्यु भएको प्रहरीले जनाएको छ। 

प्रहरी स्रोतका अनुसार ग १ त ४२७८ नम्बरको ट्र्याक्टर गएराति पौने १० बजेतिर सडकबाट १० मिटर तल खस्दा उनको घटनास्थलमै मृत्यु भएको हो। 

खोप्लाङको मसानेठाँटीबाट बिर्दीतर्फ गइरहेको खाली ट्र्याक्टर दुर्घटना भएको जनाइएको छ।