कैलालीमा कोरोनाबाट थप ४ जनाको मृत्यु
धनगढी: कोरोना भाइरस संक्रमणबाट कैलालीमा थप ४ जनाको मृत्यु भएको छ।
धनगढी उपमहानगरपालिका वडा नम्बर २ का ७२ वर्षीय पुरुष र वडा नम्बर ८ का ५८ वर्षीय पुरुषको मृत्यु भएको जिल्ला प्रशासन कार्यालय कैलालीका सूचना अधिकारी शिवराज जोशीले बताए।
दम सम्बन्धी समस्या भएका ७२ वर्षीय पुरुषको मंगलबार ८ बजेको समयमा उपचारका क्रममा मृत्यु भएको हो भने श्वासप्रश्वासमा समस्या देखिएपछि अस्पताल भर्ना भएका ५८ वर्षीय पुरुषको मंगलबार साँझ ७ बजेको समयमा मृत्यु भएको हो।
यस्तै कैलालीको गौरीगंगा नगरपालिका -१ का ३५ वर्षीय पुरुषको र कञ्चनपुरको शुक्लाफाँटा नगरपालिका -१ का ३५ वर्षीय पुरुषको मृत्यु भएको छ। संक्रमण पुस्टि भएका उनीहरुको बुधबार बिहान ४ : २० बजेको समयमा मृत्यु भएको जिल्ला प्रशासन कार्यालय कैलालीले जनाएको छ।
४ जनाकै सेती प्रादेशिक अस्पतालममा उपचारको क्रममा मृत्यु भएको जनाइएको छ।