धनगढीमा कोरोनाबाट थप एक जनाको मृत्यु

धनगढी: धनगढीमा कोरोना भाइरसको संक्रमणबाट थप एक पुरुषको मृत्यु भएको छ। 

सेती प्रादेशिक अस्पतालमा उपचाररत धनगढी उपमहानगरपालिका ८ का ४५ वर्षीय पुरुषको बिहिबार राति ९ बजेर १० मिनेटमा मृत्यु भएको हो। 

कडा खालको निमोनिया र श्वासप्रश्वासको समस्या देखिएका उनको बुधबारदेखि आईसीयूमा राखेर उपचार चलिरहेको अस्पतालका सूचना अधिकारी दिलिपकुमार श्रेष्ठले बताए।

यो संगै आजै सुदूरश्चिम भरिमा कोरोना भाइरसकै संक्रमणबाट ज्यान गुमाउनेको संख्या १३ पुगेको छ।