कैलालीमा युवक मृत फेला, हत्याको आशंका

धनगढीःकैलालीमा युवक मृत अवस्थामा फेला परेका छन्।

जिल्लाको गोदावरी नगरपालिका–५ गेटीमा ३६ वर्षीय शिवचरण राना शनिबार बिहान मृत अवस्थामा फेला परेका हुन्। 

वडा नम्बर ५ की वडा सदस्य कृष्णाकुमारी चौधरीकाअनुसार गेटा आँखा अस्पताल नजिकै पसल सञ्चालन गर्दै आएका रानाको शव फेला परेको छ। उनको हत्या गरिएको आशंका स्थानीयले गरेका छन्।

अहिले जिल्ला प्रहरी कार्यालय र ईलाका प्रहरी कार्यालयबाट प्रहरी टोली घटनास्थल पुगेको छ। कैलाली प्रहरी भने घटनाबारे आधिकारीक रुपमा बोलीसकेको छैन।