सुदूर नेपाललाई विश्वसँग जोड्दै

बझाङमा खुँडा प्रहार गरेर युवकको हत्या, एक जना पक्राउ

२०७७ माघ १३, ११:०९ खबर संवाददाता

धनगढी : बझाङमा खुँडा प्रहार गरि युवकको हत्या गरिएको छ। 

जिल्लाको छबिसपाथिभेरा गाउँपालिका वडा नम्बर ३ का अमृत सिंहको खुँडा प्रहार गरि हत्या गरिएको जिल्ला प्रहरी कार्यालय बझाङका प्रमुख तथा प्रहरी नायव उपरिक्षक रुपक खड्काले बताए। 

गाउँपालिकाको वडा नम्बर ३ मै रहेको बन्नीचौर माध्यमिक विद्यालयको व्यवस्थापन समितिको चुनाव सकेर घर फर्किने क्रममा भएको विवाद पछि खुँडा प्रहार गर्दा सिंहको ज्यान गएको उनले बताए। 

खुँडा प्रहार गर्ने मध्येका एक जना सोही गाउँपलिका वडा नम्बर २ का ज्ञानबहादुर कडायत पक्राउ परेका छन् भने खुँडा बरामद गरिएको प्रहरीले जनाएको छ।

खुँडा प्रहार गर्ने मध्येका अर्का युवक प्रकाश एैडी भने फरार रहेकाले उनको खोजी कार्य भइरहेको बताइएको छ। 
 

कमेन्ट लोड गर्नुस