बझाङमा ४ वर्षीया बालिकालाई सुख्खा ट्यांकीभित्र लगेर यौन दुराचार
प्रताप ओली, बझाङ : बझाङमा ४ वर्षकी एक बालिकालाई बाल यौन दुरुपयोग गरी संवेदनशिल अंग चलाएको भन्दै खप्तडछान्नाका एक किशोरविरुद्ध उजुरी परेको छ ।
खप्तडछान्ना गाउँपालिका ६ का एक किशोरले गोठालो गएकी ४ वर्षीया बालिकालाई ललाई फकाई गरि बालिकाको संवेदनशिल अंग चलाएको भन्दै अभिभावकले जिल्ला प्रहरी कार्यालयमा उजुरी दिएका हुन् ।
कात्तिक २ गते वेलुका ४ बजे घट्टेबगर भन्ने ठाउँमा गोठालो गएको आकाशे सिँचाइ खानेपानी आयोजनाको ट्यांकीभित्र लगेर बालिकालाई ट्यांकीभित्र लगेर संवेदनशिल अंग चलाएको प्रहरीले जनाएको छ ।
वेलुकी ४ बजेसम्म पनि बालिका घर नफर्किएपछि बालिकाकी दिदी नाता लाग्नेले घट्टेबगरमा खोज्दा नभेटिएपछि किशोरलाई बोलाउँदा आकाशे सिँचाइ खानेपानी आयोजनाको सुख्खा ट्यांकीबाट निस्किएको र बालिकाका कहाँ छ भनी सोध्दा थाहा छैन भन्ने जवाफ दिएको जनाइएको छ ।
किशोरले थाहा छैन भन्ने जवाफपछि बालिकाकी दिदीले आशंका गरि ट्यांकीभित्र हेर्दा बालिकालाई नाङ्गै अवस्थामा बालिका रोइरहेको फेला पारेको प्रहरीले जनाएको छ ।
बाल यौन दुराचार गरेको भन्दै ती किशोरलाई प्रहरीले नियन्त्रण लिई अनुसन्धान गरिरहेको बझाङ प्रहरी प्रमुख तथा डिएसपी रुपक खड्काले बताए ।