डडेल्धुरामा पिसिआर प्रयोगशाला सञ्चालन गर्न आलितालद्वारा १० लाख सहयोग

धनगढी:  डडेल्धुराको आलिताल गाउँपालिकाले डडेल्धुरा अस्पतालाई १० लाखको चेक हस्तान्तरण गरेको छ।  

गाउँपालिकाले अस्पतालमा सञ्चालन भएको पिसीआर ल्याब सञ्चलान, संकट समाधानका तथा जनशक्ति व्यवस्थापनका लागि बिहिबार अस्पताललाई  चेक हस्तान्तरण गरेको हो।

सुदूरपश्चिम प्रदेशका पहाडी ७ जिल्लाको केन्द्र विन्दुमा रहेको डडेल्धुरा अस्पालमा कोरोना परीक्षण ल्याब स्थापना भइ पीसीआर परीक्षण भइरहेको छ। कोरोना नियन्त्रण तथा रोकथाम गर्ने उद्देश्यले स्थापना भएको कोरोना परीक्षण प्रयोगशालालाई अझ व्यवस्थित गर्नका लागि आलिताल गाउँपालिकाकले अस्पताललाई १० लाख रुपैयाँ सहयोग गरेको गाउँपालिका अध्यक्ष बलबहादुर गुरुङले बताए।  

यसअघि आफ्नो प्रतिबद्धता अनुसार अमरगढी नगरपालिकाले २० लाख, नवदुर्गा  र गन्यापधुरा गाउँपालिकाले १०/१० लाख सहयोग गरिसकेका छन्।