सुदूरपश्चिमका केही स्थानमा भारी वर्षा हुने, सतर्क रहन आग्रह

धनगढी : जल तथा मौसम पूर्वानमान महाशाखाका अनुसार आज देशभर आँशिक देखि सामान्य बदली रही केही स्थानमा  हल्का देखि मध्यम वर्षाको सम्भावना रहेको छ। सुदूरपश्चिम प्रदेशका केही स्थानमा भारी वर्षाको सम्भावना रहेको महाशाखाले जनाएको छ।

यस्तै आज राति देशभर सामान्य बदली रही केही स्थानमा  हल्का देखि मध्यम वर्षाको सम्भावना रहेको महाशाखाले जनाएको छ। प्रदेश १, गण्डकी प्रदेश, कर्णाली प्रदेश र सुदूरपश्चिम प्रदेशका केही स्थानमा भारी वर्षाको सम्भावना रहेको छ। 

मनसुन सक्रिय रहेकाले नदी तटीय क्षेत्रयमा डुबान हुन सक्ने, अब्यबस्थित बसोबास भएका तराई क्षेत्रमा डुबान हुने तथा पहाडी भूभागमा पहिरो जान सक्ने भन्दै महाशाखाले सतर्क रहन आग्रह समेत गरेको छ।