पेट्रोलमा कालोबजारी गर्ने तीनजना पक्राउ
स्याङ्जा : पेट्रोलमा कालोबजारी गरेको आरोपमा तीन जना पक्राउ परेका छन्। तोकिएको मूल्यभन्दा बढी मूल्यमा पेट्रोल बिक्री गरी कालोबजारी गरेको आरोपमा स्याङ्जाको पुतलीबजार नगरपालिका वडा नम्बर ३ बाट तीन जनालाई पक्राउ गरिएको प्रहरीले जनाएको छ।
पक्राउ पर्नेमा पुतलीबजारका ३३ वर्षीया विष्णुमाया शर्मा, २४ वर्षीय गौरव प्रधान र वडा नम्बर १० का३५ वर्षीय चन्द्रबहादुर गुरुङ रहेका छन्। उनीहरु विरुद्ध मुद्दा दर्ता गरी अनुसन्धानको प्रक्रिया थालिएको छ।