नेपालमा थप एक जनामा कोरोना पुष्टि, संक्रमितको संख्या २४६ पुग्यो
२०७७ जेठ १, १२:५०
नेपालमा थप एक जनामा कोरोना भाइरस (कोभिड १९) पुष्टि भएको छ।
स्वास्थ्य तथा जनसंख्या मन्त्रालयका अनुसार नवलपरासी पूर्वको देवचुली नगरपालिका– १२ का ४९ वर्षीय पुरुषमा कोरोना संक्रमण पुष्टि भएको छ। चितवनको भरतपुरको प्रयोगशालामा गरिएको परीक्षणमा उनमा कोरोना संक्रमण पुष्टि भएको जनाइएको छ।
योसँगै नेपालमा कोरोना संक्रमितको संख्या २ सय ४६ पुगेको छ। यसअघि मन्त्रालयले संक्रमितको संख्या २ सय ५० पुगेको बताए पनि पछि सच्याएको थियो।
कमेन्ट लोड गर्नुस