डडेल्धुरा बसेर गएकी युवतीमा पोजेटिभ देखिएपछि आफन्तको परीक्षण गर्ने तयारी
२०७७ वैशाख १०, ०१:४९
डडेल्धुरा: डडेल्धुरा बसेर गएकी एक युवतीमा ¥यापिड टेस्टमा पोजेटिभ देखिएपछि आफन्तको कोरोना परीक्षण गर्ने तयारी भएको छ। ती २० वर्षीया युवतीको अछाममा र्यापिड टेस्ट गर्दा पोजेटिभ देखिएको हो।
अछाम गएपछि युवतीमा कोरोना देखिएकाले जिल्लाको अमरगढी नगरपालिका– ६ छचोडामा रहेका उनका आफ्न्तको समेत कारोना परीक्षण गर्ने तयारी भइरहेको स्वास्थ्य कार्यालय डडेल्धुराका भेक्टर कन्ट्रोलर सुपरभाइजर हरिप्रसाद भट्टले बताए।
अछामको वान्नीगढी जयगढ गाँउपालिका वडा नम्बर ३ मा २० वर्षीया युवतीको आरडीटी परीक्षण गर्दा पोजिटिभ देखिएको हो।
आरडीटी परीक्षण गर्दा पोजेटिभ देखिएपछि थ्रोट स्वाब संकलन गरी परीक्षणका लागि धनगढी पठाईएको स्वास्थ्य कार्यालयका क्षयकुष्ठ निरिक्षक देवदत्त जोशीले जानकारी दिए।
कमेन्ट लोड गर्नुस