दार्चुला सेवा समितिको अध्यक्षमा पन्त

श्रीमालिकार्जुन दार्चुला सेवा समितिको अध्यक्षमा महेन्द्रराज पन्त चयन भएका छन्। धनगढीमा भएको समितिको पाँचौ साधारण सभाबाट पन्त अध्यक्षमा चयन भएका हुन्।

समितिको उपाध्यक्षमा कालु सिँह धामी र कर्ण सिँह धामी, सचिवमा देवदत्त भट्ट, सह–सचिवमा जनक सिँह सामन्त र कोषाध्यक्षमा सुनिता साउँद चयन भएका छन्। अन्य सदस्यहरुमा सुम्कादेवी विष्ट, धनादेवी जोशी, विरेन्द्रबहादुर सिँह, भक्तबहादुर धामी र लिलाधर भट्ट चयन भएका छन्। समितिको कार्यकाल तीन वर्षको हुने अध्यक्ष पन्तले जानकारी दिए। विस २०६५ सालमा समिति गठन भएको थियो।