देउसीबाट संकलन भएको रकम गौ–संरक्षणका लागि हस्तान्तरण

धनगढीमा देउसीभैलो खेलेर संकलन भएको रकम गौ–संरक्षणको लागि हस्तान्तरण गरिएको छ। उप–महानगरपालिकामै रहेको ईमरल्ड एकेडेमीका विद्यार्थी तथा शिक्षकहरुले दिपावालीको अवसरमा देउसी, भैलो खेली संकलन गरेको २७ हजार ६ सय ५१ रुपैँया गौ–संरक्षणको लागि हस्तान्त्रण गरेका हुन्। ईमरल्ड एकेडेमीका मन्टेश्वरी संयोजक एलिना गिरी बोहराको संयोजकत्वमा खेलीएको देउसीभैलो बाट संकलित उक्त रमक उप–महानगरपालिकाकै वडा नम्बर ३ मा रहेको गौ–संरक्षण सेवा समितिका अध्यक्ष भोजराज पाठकलाई हस्तान्त्रण गरिएको विद्यालयका संस्थापक हेमराज ओझाले बताए।