झुलाघाट पक्की पुल निर्माण : अनसनको १६ औँ दिन पनि २१ जनाद्धारा ऐक्यबद्धता
बैतडीको झुलाघाटमा मोटरेवल पुल निर्माण माग गर्दै सुरु भएको अनिश्चितकालीन अनसन जारी रहेको छ। बैतडीलाई भारतसंग जोड्न झुलाघाटमा मोटरेवल पुल निर्माणको माग गर्दै जिल्ला प्रशासन कार्यालय अगाडी रिले अनशनमा स्थानीयको ऐक्यवद्धता बढ्दै गएको छ। रिले अनसनको १६ औँ दिन आज पनि २१ जनाले ऐक्यवद्धता जनाएका छन्। पुल निर्माण संघर्ष समितिका संयोजक एवं बैतडी उद्योग वाणिज्य संघका अध्यक्ष नर बहादुर चन्दले १६ औँ दिन आज २१ जनाले ऐक्यवद्धता जनाउँदै रिले अनसन बसेको जानकारी दिए।
चन्दले जिल्लाका विभिन्न स्थानबाट अनसन स्थल जिल्ला प्रशासन कार्यालय पुगेर अनसन बस्दै ऐक्यवद्धता जनाएको बताए। यसरी आजको रिले अनसनमा ऐक्यवद्धता जनाउनेमा बैतडीका धर्म सिंह ऐर कपिल, राजेश केसी, अरुन पौडेल, शेर सिंह भण्डारी, सुभाश जोशी, नारायणदत्त भट्ट, पदमराज भट्ट, गोविन्द प्रसाद भट्ट, मोहनसिंह ठगुन्ना, नरबहादुर चन्द, गोविन्ददेव भट्ट, झुमी बोहोरा, रामदत्त पाण्डे, जनकराज जोशी, पुष्करराज जोशी, कर्ण दयाल, ईश्वरीदत्त भट्ट, प्रकाश चन्द, प्रमल सिह महरा लगायतले झुलाघाटमा पक्की पुल निर्माणको माग गर्दै रिले अनसनमा सहभागिता जनाएका छन्।
नेपाल भारत सीमा नाका अन्तरगत बैतडीको झुलाघाटमा पक्की पुल निर्माण माग गर्दै दुई दशकदेखि शान्पिूर्ण रुपमा जिल्लाबासीले दिदै आएको दबाबले कुनै सीप नचलेपछि गत २२ गतेदेखि जिल्ला प्रशासन कार्यालय अगाडी रिले अनसन सुरु गरिएको छ। पुल निर्माणको माग पूरा नहुँदा सम्म अनसन जारी राख्ने चेतावनी दिईएको छ। तर सरकारले माग सम्बोधनका विषयमा अहिले सम्म कुनै तदारुकता देखाएको छैन्।
