‘विजयादशमीले सद्भाव र एकताको सन्देश दिन्छ’ :सुरेन्द्रलाभ कर्ण

जनकपुर : मधेस प्रदेश प्रमुख सुरेन्द्रलाभ कर्णले विजयादशमीले सत्य, न्याय र सदाचारको पक्षमा उभिन तथा सामाजिक सद्भाव र एकता कायम राख्न प्रेरित गर्ने बताए ।

बडादसैँका अवसरमा आज जारी गरिएको शुभकामना सन्देशमा उनले विविधतायुक्त मधेश प्रदेशमा पारस्परिक सम्मान, सहिष्णुता र सहअस्तित्वलाई सुदृढ बनाउनुपर्नेमा जोड दिए ।

विजयादशमीले समाजमा व्याप्त विभेद र अन्यायविरुद्ध उभिन तथा समतामूलक र समृद्ध समाज निर्माणका लागि एकजुट हुन प्रेरणा दिने विश्वास प्रदेश प्रमुख कर्णले सन्देशमा व्यक्त गरे ।