धनगढी बसपार्कको होटलमा मृत भेटिएका युवकको हत्या गरिएको आरोप

धनगढी बसपार्कमा रहेको श्रीपाल होटलमा मृत भेटिएका युवकको हत्या गरिएको आरोप लागेको छ। गत जेठ १२ गते धनगढी उप–महानगरपालिका वडा नम्बर ५ तारानगरका आर्दश भट्ट होटलको १०५ नम्बर कोठामा मृत भेटिएका थिए। धनगढीमा पत्रकार सम्मेलनको आयोजना गर्दै परिवारका सदस्यले हत्या भएको आरोप लगाएका हुन्।

प्रारम्भिक अनुसन्धानका क्रममा उनको लागु औषध सेवनका कारण मृत्यु भएको प्रहरीले जनाएपनि अहिले पोष्टमार्टम रिर्पोट र ल्याव रिर्पोटमा लागु औसध सेवन गरेको नदेखिएपछि आफन्तले हत्या गरिएको आरोप लगाएका हुन्। नग्न अवस्थामा भेटिएका भट्टको ल्याव परिक्षण पछि लागु औषध  प्रयोग नगरेको देखिएको मृतक आर्दशका बुवा शम्भु भट्टको दावी छ। 

‘ल्याव परिक्षणको रिर्पाेट आएपछि जिल्ला प्रहरी कार्यालय कैलालीका प्रमुख सुदिप गिरीले बोलाए,’ भट्टले भने, ‘एसपि सापले रिर्पाेट सोचे जस्तो नआएको भन्नुभयो,  मैले कस्तो सोच्नु भएको थियो ? कस्तो आयो भरेर सोधे, आदर्शले लागुऔषध प्रयोग गरेको नदेखिएको भन्दै एसपी सापले जवाफ दिए।’ 

रिर्पाेटको फोटोकपी मागेको तर प्रहरीले नदिएको भट्टको आरोप छ। गत जेठ २६ गते प्रहरी कार्यालमा जाहेरीका लागि गएको भएपनि अहिले सम्म जाहेरी दर्ता नभएको समेत उनले गुनासो गरे।  आर्दशसंगै श्रीपाल होटलमा बसेका तीन जनालाई प्रहरीले पक्राउ गरेको थियो तर उनीहरुमाथि प्रहरीको अनुसन्धान पनि फितलो भएको आशंका परिवारका सदस्यहरुको छ।

उनीहरुलाई २५ दिन पनि प्रहरीले थुनामा नराखि छाडिएको आरोप लागेको छ। यता  जिल्ला प्रहरी कार्यालय कैलालीका प्रहरी नायव उपरिक्षक दक्षकुमार बस्नेतले जाहेरी दर्ता भईसकेको तर कर्तव्य ज्यानमा भने जाहेरी अहिले नै दर्ता गर्न नपाईने बताए। ल्याव परिक्षणमा लागु औसध सेवन गरेको नभेटिएपनि अहिले उनको रगत परिक्षणको रिर्पोट आउन बाँकी रहेको समेत उनले बताए।