गोदावरीमा आजदेखि राष्ट्रपति रनिङ शिल्ड प्रतियोगिता सुरु हुँदै

धनगढीः कैलालीको गोदावरीमा आजदेखि १५ औँ राष्ट्रपति रनिङ्ग शिल्ड प्रतियोगिता सुरु हुँदै छ।

गोदावरी नगरपालिका–२ मा रहेको दुर्गालक्ष्मी नमूना माविमा प्रतियोगिता सुरु हुन लागेको हो। प्रतियोगिताको बिहान ८ बजे गोदावरी नगरपालिकाका नगरप्रमुख विरेन्द्र भट्टले उद्घाटन गर्ने कार्यक्रम रहेको छ।

मंसिर १९ गते सम्म सञ्चालन हुने प्रतियोगितामा भलिबल, कबड्डी, एथलेटिक्स, दौड, उफ्रने र फ्याँक्ने (हाई जम्प, लङ जम्प, त्रिपलजम्प, ज्याभलिङ थ्रो), मार्सल आर्ट (कराँते, तेक्वान्दो, उसु) खेल खेलाइने जनाइएको छ।