नेपाल राष्ट्र बैंकका कार्यकारी निर्देशक डा. गुणाकर भट्टसँग कैलालीमा अन्तरक्रिया

धनगढी: नेपाल राष्ट्र बैंकका कार्यकारी निर्देशक तथा अर्थविद् डा.गुणाकर भट्टको उपस्थितिमा आज कैलाली उद्योग वाणिज्य संघ, धनगढीको आयोजनामा स्वागत तथा अन्तरक्रिया कार्यक्रम सम्पन्न भएको छ।
कैलाली उद्योग वाणिज्य संघको सभाहलमा सम्पन्न कार्यक्रममा उद्योगी, व्यापारी तथा विभिन्न बैंकका प्रतिनिधिको उल्लेख्य सहभागिता रहेको थियो। कार्यक्रममा डा.भट्टलाई संघको तर्फबाट स्वागत गरिनुका साथै हालको आर्थिक परिस्थिति, मौद्रिक नीति, सूददर नियन्त्रण, तथा साना तथा मझौला व्यवसायको प्रवर्धनमा राष्ट्र बैँकको भूमिकाबारे गम्भीर छलफल गरिएको थियो।
संघका पदाधिकारीहरूले व्यवसायीहरूका समस्या तथा सुझावहरू प्रस्तुत गरेका थिए भने डा.भट्टले राष्ट्र बैँकको नीतिगत पक्ष र आगामी कार्यदिशाबारे प्रस्ट पारेका थिए।


