धनगढीको चैतन्य पाठशालाले ब्रिजकोर्ष पढ्नेलाई निःशुल्क अङ्ग्रेजी भाषा सिकाउने
धनगढीः धनगढीमा रहेको चैतन्य एकेडेमीले यस बर्ष देखी चैतन्य ब्रिजकोर्ष पढाउने भएको छ।
मंगलवार चैतन्य एकेडेमी तथा चैतन्य पाठशालाले पत्रकार सम्मेलन गर्दै यो वर्षदेखि ब्रिजकोर्ष हुने बताए। कार्यक्रम बोल्दै , चैतन्य एकेडेमी तथा पाठशालाका अध्यक्ष गणेशप्रसाद जोशीले ब्रिजकोर्षको पाठ्यक्रम १० र ११ बिचको अन्तरलाई पूरा गर्नका लागि तयार गरिएको बताए।
उनले ब्रिजकोर्षले विद्यार्थीको प्रतिस्पर्धात्मक क्षमता वृद्धि गर्दै प्रतिष्ठित कलेज तथा प्लस् टुहरुमा छात्रवृत्ति सजिलै पाउन सहज हुने बताए। एसइई दिएर बसेका विद्यार्थीहरूका लागि उच्च शिक्षामा टेवा पुर्याउने उद्देश्यले चैतन्य एकेडेमी यहीँ चैत २० गते बिहान ७, बजे र साँझ ४,३० बजेबाट ब्रिजकोर्षका कक्षा सञ्चालन हुने बताए जोशीले बताए।
चैतन्य ब्रिज कोर्षले जीवनको यात्रामा कक्षा दसको विद्यार्थी समुदाय तथा राष्ट्रको लागि भविष्य भएकाले उच्च शिक्षा हासिल गर्न ब्रिजकोर्ष सहयोगी हुने जोशीले बताए। चैतन्य एकेडेमी तथा चैतन्य पाठशालाले यो वर्षदेखि चैतन्य ब्रिजकोर्ष चैत २० गतेबाट सुरू हुने भएको छ। चैतन्य ब्रिजकोर्ष पढ्न चैत महिनाभित्र भर्ना हुने विद्यार्थीले केबल तीन हजार शुल्क मात्रै तिर्नुपर्ने जोशीले बताए।
चैतन्य ब्रिजकोर्षका अलावा चैत महिना भरि भर्ना हुने विद्यार्थीलाई अन्य कोर्षमा समेत ५० प्रतिसत छात्रवृत्तिको सहुलियत हुनेछ। ब्रिजकोर्षमा प्रत्येक हप्ता नमूना परीक्षा हुने। दक्ष शिक्षकको समूहद्वारा सुबिधा सम्पन्न कक्षामा शिक्षण गराइने पाठशालाका अध्यक्ष जोशीले बताए। ब्रिज कोर्षमा भर्ना हुने विद्यार्थीलाई आयरल्यान्डका चैतन्य स्वयम् सेवी शिक्षकबाट निःशुल्क अङ्ग्रेजी बोलीचाली तथा व्याकरणका कक्षा सञ्चालन हुने अध्यक्ष जोशीले बताए।
