कञ्चनपुरमा ६ जना लागूऔषधसहित पक्राउ
कञ्चनपुरः कञ्चनपुरमा ६ जना लागूऔषधसहित पक्राउ परेका छन्।
भीमदत्त नगरपालिका–११ सात नम्बर पिल्लर नजिकबाट भीमदत्त नगरपालिका–८ बस्ने २४ वर्षीय तेजबहादुर विक र सोही ठाउँ बस्ने २७ वर्षीय हरेन्द्र सिंह बडाल पक्राउ परेका छन्।
विकले चलाएको सुदूरपश्चिम प्रदेश ०२–००३ प ७१५६ नम्बरको मोटरसाइकललाई चेकजाँच गर्दा २ दशमलव ७१ ग्राम खैरो हेरोइन फेला पारी उक्त पदार्थ, मोटरसाइकल र मोटरसाइकल पछाडी सवार हरेन्द्रलाई लागूऔषध नियन्त्रण ब्युरो शाखा कार्यालय महेन्द्रनगर र इलाका प्रहरी कार्यालय गड्डाचौकीबाट संयुक्त रुपमा खटिएको प्रहरी टोलीले नियन्त्रणमा लिइएको छ।
यस्तै भीमदत्त नगरपालिका–११ सात नम्बर पिल्लर नजिक भारतबाट नेपाल तर्फ आउदै गरेको अवस्थामा सोही नगरपालिका-५ सुकासाल बस्ने २६ वर्षीय अमित पन्तले चलाएको चलाएको यु.के. ०६ बि.डी. ८३८९ नम्बरको मोटरसाइकललाई चेकजाँच गर्दा १ दशमलव ७९ ग्राम लागूऔषध खैरो हेरोइन फेला पारी उक्त पदार्थ, मोटरसाइकल र मोटरसाइकल पछाडी सवार सोही ठाउँ बस्ने २१ वर्षीय करन पन्तलाई लागूऔषधसहित पक्राउ गरिएको छ।
दुवै जनालाई नेपाल प्रदेश प्रहरी कार्यालय महेन्द्रनगर, लागू औषध नियन्त्रण ब्युरो शाखा कार्यालय महेन्द्रनगर र इलाका प्रहरी कार्यालय गड्डाचौकीबाट संयुक्त रुपमा खटिएको प्रहरी टोलीले नियन्त्रणमा लिएको छ।
यस्तै भीमदत्त नगरपालिका–११ गड्डाचौकीबाट सोही नगरपालिका १८ २० वर्षीय आयुस पालले चलाएको सुदूरपश्चिम प्रदेश ०२–००३ प ७४२७ नम्बरको मोटरसाइकललाई शंका लागि चेकजाँच गर्दा शुन्य दशमलव ९१ ग्राम खैरो हेरोइन फेला पारी उक्त पदार्थ, मोटरसाइकल र मोटरसाइकल पछाडी सवार सोही नगरपालिका ६ बस्ने १८ वर्षीय किशोर पक्राउ परेका छन्।
दुवै जनालाई नेपाल प्रदेश प्रहरी कार्यालय महेन्द्रनगर, लागूऔषध नियन्त्रण ब्युरो शाखा कार्यालय महेन्द्रनगर र इलाका प्रहरी कार्यालय गड्डाचौकीबाट संयुक्त रुपमा खटिएको प्रहरी टोलीले नियन्त्रणमा लिएको छ।
