सुनचाँदीको मूल्यमा सामान्य गिरावट

काठमाडौँः स्थानीय बजारमा सुनचाँदीको मूल्यमा सामान्य गिरावट आएको छ।

आज सुन प्रतितोला पाँच सय र चाँदी प्रतितोला रु १५ ले घटेको हो। सोमवार प्रतितोला एक लाख ७० हजार चार सयमा कारोबार भएको सुनको मूल्य आज प्रतितोला एक लाख ६९ हजार नौ सय कायम भएको नेपाल सुनचाँदी व्यवसायी महासङ्घले जनाएको छ। 

त्यसैगरी, आज एक तोला चाँदी रु एक हजार नौ सय ७० मा किनबेच हुनेछ। अन्तरराष्ट्रिय बजारमा आज प्रतिऔंस सुन दुई हजार आठ सय ९८ अमेरिकी डलरमा कारोबार भइरहेको छ।