पूर्व प्रधानमन्त्री पुष्पकमल दाहाल कञ्चनपुर आउँदै 

धनगढीः नेकपा माओवादी केन्द्रका अध्यक्ष एवं पूर्व प्रधानमन्त्री पुष्पकमल दाहाल प्रचण्ड शनिबार कञ्चनपुर आउने भएका छन्। उनी नेकपा माओवादी केन्द्रले कञ्चनपुरको पुनर्वासमा भ्रष्टाचार र बेथितिविरुद्ध आयोजना गर्ने खबरदारी सभालाई सम्बोधन गर्न आउन लागेका हुन्।

आज पुनर्वास नगरपालिकाको टाउन बजारमा सरकारको भ्रष्टाचार र बेथितिविरुद्ध माओवादीले खबरदारी सभा गर्न लागेको छ। यस सभामा प्रचण्डसँगै उनकी छोरी गङ्गा दाहालपनि आउने बताइएको छ। नेपाली कांग्रेस र नेकपा एमालेले दुई दलीय गठबन्धन गर्दै गठन गरेको सरकारले गरिरहेका भ्रष्टाचार र बेथितिको भण्डाफोर गर्दै नयाँ कार्यकर्तालाई पार्टी प्रवेश गराउने समेत कार्यक्रम रहेको छ।