कैलालीबाट एकैदिन तीन जना लागुऔषधसहित पक्राउ

धनगढीः कैलालीबाट एकैदिन तीन जना लागुऔषधसहित पक्राउ परेका छन्।

जिल्लाको भजनी नगरपालिका–३ मोरीयाघाटबाट लम्कीचुहा नगरपालिका–९ प्रतापपुरका ३५ वर्षका साजिश चौधरी लागुऔषधसहित पक्राउ परेका छन्। उनी से ४ प ५९७८ नम्बरको मोटरसाइकललाईमा आइरहेको अवस्थामा चेकजाँच गर्दा २ ग्राम लागुऔषधसहित पक्राउ परेको इलाका प्रहरी कार्यालय भजनीले जनाएको छ।

यस्तै भजनी नगरपालिका–३ मोरीयाघाट टीकापुर नगरपालिका–२ अस्नेरीका ३० वर्षीय नबराज बिक र लम्कीचुहा नगरपालिका–१ भुरुवाका २९ वर्षका इमान रावल लागुऔषधसहित पक्राउ परेका छन्। उनीहरुको साथबाट ट्रमाडोल नामक ३० ट्याब्लेट र एभिल नामक १५ ट्याबलेट फेला पारेको प्रहरीले जनाएको छ। उनीहरु दुवै जनालाई इलाका प्रहरी कार्यालय भजनीबाट खटिएको प्रहरी टोलीले नियन्त्रणमा लिएको हो।