दार्चुलाबाट अवैध सामानसहित एक जना पक्राउ

दार्चुलाः दार्चुलामा एक जना अवैध सामानसहित पक्राउ परेका छन्।

जिल्लाको गोकुलेश्वर बजार देवलबाट प्रहरीले अवैध सामानसहित एक जनालाई पक्राउ गरेको छ। आइतवार साँझतिर शैल्यशिखर नगरपालिका–८ देवलका ५० वर्षीय रामदत्त जोशी अवैध सामानसहित पक्राउ परेका हुन।

जिल्ला प्रहरी कार्यालयका अनुसार गोप्य सूचनाका आधारमा इलाका प्रहरी कार्यालय गोकुलेश्वरबाट खटिएको प्रहरी टोलीले जोशीको घरमा खानतलासी गर्दा अवैध रूपमा भारतबाट भन्सार छली गरी ल्याएका सामानसहित उनलाई नियन्त्रणमा लिएको हो।

अवैध रुपमा भारतबाट भन्सार छली गरी ल्याएका अन्दाजी १२ लाख ५० हजार मूल्य बराबरका घोडा बिडी ३८ पेटी, चाबी सलाई ९ पेटी, हाईक्लास सुर्ती ३ पेटी र भारतीय चप्पल ३ सय ५९ जोर बरामद गरिएको प्रहरीले जनाएको छ।