बाजुराको स्वामीकार्तिकमा मतदान जारी, तीन हजार ६५० जनाले गरे मतदान

धनगढीः बाजुराको स्वामिकार्तिक गाउँपालिकामा उपाध्यक्ष पदका लागि भइरहेको उपनर्वाचनमा मतदान जारी छ। दिउँसो २ बजेसम्म तीन हजार ६५० मत खसेको छ। गाउँपालिकाको कूल मतदाता सात हजार ६० रहेको छ।

मुख्य निर्वाचन अधिकृत संजीव पोखरेलका अनुसार पाँचवटै मतदान केन्द्र स्थल अन्तर्गतका मतदान केन्द्रहरुमा शान्तिपूर्ण रुपमा मतदान भइरहेको छ। उपनिर्वाचनमा तीन जना उम्मेदवार चुनावी मैदानमा छन्। एमालेबाट सुलोचना भण्डारी बुुढा, कांग्रेसबाट पुल्तीसरा शाही र एकीकृत समाजवादीबाट जवा शाही उम्मेदवार छन्।