चलचित्र ह्रस्व दीर्घको ट्रेलर सार्वजनिक
काठमाडौँः नेपाली चलचित्र ह्रस्व दीर्घको ट्रेलर सार्वजनिक भएको छ। चलचित्रको हिजो (बुधवार) काठमाडौंमा एक कार्यक्रमबीच ट्रेलर सार्वजनिक गरिएको हो।
हरिहर अधिकारी र निता ढुङ्गानाको मुख्य अभिनय रहेको चलचित्रमा भारतीय कलाकार ब्रह्मानन्द लगायतको पनि अभिनय रहेको छ। ट्रेलर सार्वजनिक कार्यक्रममा बोल्दै अभिनेत्री निता ढुङ्गानाले आफूले भन्दा पनि फिल्मले बोल्ने बताइन। उनले दुई दुई वर्ष लगाएर चलचित्र बनाएको र दर्शकको कृपाले राम्रो हुने बताइन।
अभिनेता हरिहर अधिकारीले दर्शकको साथ र सहयोगले मात्रै आफूलाई अभिनयमा सन्तुष्टि मिल्ने बताए। चलचित्रमा मेहनत गरेको र फिल्मले बाँकी कुरा बोल्ने बताए। कार्तिक ३० गतेबाट प्रदर्शनमा आउन लागेको चलचित्रमा लगानी अभिनेत्री ढुङ्गानाको रहेको छ। निता फिल्मस्को प्रस्तुतिमा निर्माण भएको सिनेमाका कार्यकारी निर्माता धनन्जय गलानी हुन्।
सिनेमामा हरिहर अधिकारी, निता ढुंगाना, भारतिय कलाकार ब्रह्मानन्द, अली, कवीर दुहान सिंह, प्रदीप रावत, सुनिल वर्मा र प्रशान्त ताम्राकार, सञ्चिता लुइँटेल, बिपना थापा, सरोज खनाल, नरेन खड्का, गरिमा शर्मा, रवीन्द्र झा, आर्दश मिश्र, बुद्धि तामाङ र किरण केसी लगायतका कलाकारको अभिनय रहेको छ।
