बझाङमा लागुऔषधसहित जिप धनी र चालक पक्राउ

बझाङः बझाङमा लागुऔषधसहित जिप धनी र चालक पक्राउ परेका छन्।

आज (शुक्रबार) जिल्लाको बित्थडचिर गाउँपालिका–३ दुधढल्ला स्थित जयपृथ्बी राजमार्गमा बागथलाबाट धनगढीतर्फ जादै गरेको चालक बुंगल नगरपालिका–२ दहबगर पौटाका २९ वर्षीय दिपक धामी र जिप धनी लागुऔषधसहित पक्राउ परेका हुन्।

सुदूरपश्चिम प्रदेश ०१००१ च ३९३३ नम्बरको जिपलाई प्रहरी चौकी स्याडीको इन्ट्री पोष्टमा प्रहरी हवल्दार तारादत्त पाण्डेयको कमाण्डमा ५ जनाको प्रहरी टोलीले चेकजाँच गर्दा जिप साहु ४५ वर्षीय आइते धामीले उक्त जिपको पछाडी राखेको पँहेलो मकैको कट्टाभित्र बाहिर सेतो प्लाष्टिक र भित्र कालो प्लाष्टिकमा ९ वटा पोका लागुऔषध लुकाई राखेको अवस्थामा फेला परेपछि चालक, साहु र जिपसहित नियन्त्रणमा लिएर प्रहरी चौकी स्याडीमा राखिएको छ। थप अनुसन्धानका लागि जिल्ला प्रहरी कार्यालय बझाङबाट प्रहरी निरीक्षक किशोर जोशीको कमाण्डमा खटिएको प्रहरी टोली खटिएर थप अनुसन्धान गर्ने काम भइरहेको छ।