बैतडीका लागि उडेको हेलिकप्टर बाँकेमा आकस्मिक अवतरण

धनगढीः बैतडीका लागि उडेको अन्नपूर्ण एयरलाइन्सको हेलिकप्टर बाँकेमा आपत्कालीन अवतरण गरिएको छ।

आज दिउँसो साढे ४ बजे बैतडी उडेको अन्त्रपूर्ण एयरलाइन्सको हेलिकष्टर मौसम खराबीका कारण राप्ती सोनारी गाउँपालिका–१ को बगरमा आकस्मिक अवतरण गरेको हो।

मौसम खराबीका कारण सो हेलिकप्टर आकस्मिक अवतरण गरेको जिल्ला प्रहरी कार्यालय बाँकेका डीएसपी नारायण डाँगीले बताए। उनले उक्त हेलिकप्टर काठमाडौँबाट नेपालगन्ज लागि उडेको र नेपालगन्जपछि बैतडी जाने योजना रहेको खुलाए।