धनगढीको क्रेसेन्ट सिटी स्कुलले गर्‍यो वृक्षारोपण 

धनगढीः धनगढीको क्रेसेन्ट सिटी स्कुलले वृक्षारोपण गरेको छ।

विद्यालयले शनिवार वृक्षारोपण गरेको हो। धनगढी– ३ स्थित सामुदायिक वनमा विश्व वृक्षारोपण दिवसको उपलक्ष्यमा विभिन्न प्रजातिका २०० विरुवा रोपिएको हो।

हरियाली प्रवर्द्धन गर्न वन क्षेत्रको खुला ठाउँमा वृक्षारोपण गरिएको विद्यालयले जनाएको छ। वृक्षारोपण कार्यक्रममा विद्यालयका विद्यार्थी र शिक्षक–शिक्षिकाहरूको सहभागिता रहेको थियो।

यो सँगै धनगढीमा शनिवार दुई हजार विरुवा रोपिएका छन्। धनगढी उपमहानगरपालिकाले क्याम्पस चोक–मनेहरा कालिका मन्दिरसम्मको सडक मेडियनमा १८ सय विरुवा रोपेको छ।