पहिरोका कारण अवरुद्ध भएको जयपृथ्वी राजमार्ग सुचारु

बझाङः पहिरो जाँदा शुक्रवारदेखि अवरुद्ध रहेको  जयपृथ्वी राजमार्ग आज (शनिवार) सुचारु भएको छ।

शनिवार बिहान राजमार्ग अन्तर्गत जयपृथ्वी नगरपालिका–७ मा अवरुद्ध राजमार्ग सुचारु भएको हो।

राजमार्ग केहीबेर अघिदेखि सुचारु भइसकेको जिल्ला प्रहरी कार्यालय बझाङका प्रहरी नायव उपरीक्षक भरत शाहले बताए। बझाङमा भारी वर्षा भएपछि पहिरो जाँदा जयपृथ्वी राजमार्ग अवरुद्ध भएको थियो।