रूसी आक्रमणबाट युक्रेनी विद्युत गृहमा क्षति
एजेन्सीः युक्रेनी विद्युत गृहमा बुधवार राति रूसी आक्रमण भएको प्लान्टका प्राविधिक प्रमुखले बिहीवार बताएका छन्।
पछिल्लो समयमा उर्जा केन्द्र लक्षित रूसी आक्रमणहरूले युक्रेनी बिजुली उत्पादनलाई कमजोर बनाई अधिकारीहरूलाई भारतबाट आपूर्ति आयात गर्न बाध्य पारेको छ। आक्रमणले गम्भीर डिटेक विद्युत गृहमा क्षति पुगेको छ। आक्रमणबाट तीन कर्मचारी घाइते भएको उल्लेख गरिएको छ। विगत तीन महिनामा युक्रेनी पावर प्लान्टहरूमा भएको यो सातौँ ‘ठूलो’ आक्रमण हो।
युक्रेनको राष्ट्रिय ग्रिड अपरेटर युक्रेनेर्गोले बिहीवार नागरिक ऊर्जा पूर्वाधारका वस्तुहरूमा ठूलो आक्रमण भएको पुष्टि गरेको छ। बुधवार भिन्नयात्सा, डिपरपेट्भोस्क, डोनेस्क, किएभलगायतका क्षेत्रमा पनि उर्जा सुविधा र उपकरणमा आक्रमण हुँदा क्षति पुगेको बताइएको छ तर समाचार तयार पार्दासम्म यससम्बन्धी स्पष्ट विवरण उपलब्ध हुन सकेको छैन।
राष्ट्रपति भोलोदिमिर जेलेन्स्कीले आक्रमणले एक वर्ष अघिको तुलनामा युद्धग्रस्त देशमा जेनेरेटर क्षमता थप गरी सहयोगीलाई अत्यावश्यक पूर्वाधारको रक्षा गर्न थप हवाई रक्षा प्रणाली पठाउन आग्रह गरे। युक्रेनको वायु सेनाले रूसले नौ क्षेप्यास्त्र तथा २७ इरानी डिजाइन गरिएको ड्रोन प्रक्षेपण गरेकोमा चार क्षेप्यास्त्रबाहेक सबै क्षेप्यास्त्रलाई हवाई रक्षा प्रणालीले खसालिएको बताएको छ।
